Li chevaliers
Dites bergiere n'estes vous
Chele que je vi ce matin
Marions
Pour dieu sire alés vo chemin
Si ferés très grant courtoisie
Li chevaliers
Certes bele tres douche amie
Je ne le di mie pour mal
Mais je vois querant chi aval
Un oisel a une sonnete
Marions
Alés selonc ceste haiete
Je croit que vous l'i trouverés
Tout maintenant i est volés
Li chevaliers
Est par amours
Marions
Oïl sans faille
Li chevaliers
Certes de l'oisel ne me caille
S'une si bele amie avoie
Marions
Pour dieu sire alés vostre voie
Car je sui en trop grant frichon
Li chevaliers
Pour qui
Marions
Certes pour Robechon
Li chevaliers
Pour lui
Marions
Voire s'il le savoit
Jamais nul jour ne m'ameroit
Ne je tant n'aim n'aim comme lui
Li chevaliers
Vous n'avés garde de nului
Se vous volés a mi entendre
Marions
Sire vous nous ferés sousprendre
Alés vous ent laissié me ester
Car je n'ai a vous que parler
Laissié m'entendre a mes brebis
Li chevaliers
Voirement sui je bien caitis
Quant je mec le mien sens au tien
Marions
Si en alés si ferés bien
Aussi oi je chi venir gent
Pour dieu sire or vous en alés
Li chevaliers
Bergerete a dieu remanés
Autre forche ne vous ferai
Ha mauvais vilains mar i fai
Pour coi tues tu mon faucon
Qui te donroit ·I· horion
Ne l'aroit il bien emploiét
Robins
Ha sire vous feriés pechiét
Peür ai que il ne m'escape
Li chevaliers
Tien de loier ceste souspape
Quant tu le manies si gent
Robins
Hareu diex hareu bonne gent
Li chevaliers
Fais tu noise tien che tatin
Marions
Sainte marie j'oi robin
Je croi que il soit entrepris
Ains perderoie mes brebris
Que je ne li alasse aidier
Lasse je voi le chevalier
Je croi que pour moi l'ait batu
Robin dous amis que fais tu
Robins
Certes douche amie il m'a mort
Marions
Par dieu sire vous avés tort
Qui ensi l'avés deskiré
Li chevaliers
Et comment a il atiré
Mon faucon esgrardés bregiere
Marions
Il n'en set mie la maniere
Pour dieu sire or li pardonnés
Li chevaliers
Volentiers s'aveuc moi venés
Marions
Je non ferai
Li chevaliers
Si ferés voir :
N'autre amie ne voeil avoir
Et voeil que chis chevaus vous porte
Pour sauver la rime,
il faut substituer à porte la forme porche.
Marions
Certes dont me ferés vous forche
Robin que ne me resqueus tu
Robins
Ha las or ai jou tout perdu
A tart i venront mi cousin ivenront
Je perc marot s'ai un tatin
Et desquiré cote et sercot
Gautiers
Robins
Aimi gautier estes vous la
J'ai tout perdu marote en va
Gautiers
Et que ne l'alés vous reskeure
Robins
Taisiés il nous couroit ja seure
S'il en i avoit ·iiii· chens eniavoit
C'est uns chevaliers hors du sens
Qui a une si grant espee
Ore me donna tel colee
Que je le sentirai grant tans
Baudons
Se g'i fusse venus a tans
Il i eüst eü merlee
Robins
Or esgardons leur destinee
Par amours si nous embuissons
Tout troi derriere ces buissons
Car je voeil marion sekeure
Se vous le m'aidiés a reskeure
Li cuers m'est ·I· peu revenus
Marions
Biau sire traiés vous ensus
De moi si feré[s] grant savoir
Un pâté indistinct empêche de voir l's de ferés.
Li chevaliers
Demisele non ferai voir
Ains vous en menrai aveuc moi
Et si arés je sai bien coi
Ne soiiés envers moi si fiere
Prendés cest oisel de riviere
Que j'ai pris si en mengeras
Marions
J'ai plus chier mon froumage cras
Et men pain et mes bonnes poumes
Que vostre oisel atout les plumes
Ne de rien ne me poés plaire
Li chevaliers
Qu'est che ne porrai je dont faire
Chose qui te viegne a talent
Marions
Sire sachiés certainement
Que nenil riens ne vous i vaut
Li chevaliers
Bergiere et diex vous consaut
Certes voirement sui je beste
Quant a ceste beste m'areste
A dieu bergiere
Marions
A dieu biau sire
|
Voici les enluminures (images) qui correspondent au texte, dans le manuscrit :
Le chevalier :
Marion :
Robin :
Une page entière :
Une autre page :
Des enluminures au hasard...
|